صباحكم جميل وهادي
💖💞💞
زمان كان يومي بيبدأ بمكالمة تليفون وينتهي بمكالمة تليفون
من صديقه .. لقريبه .. لجارة
عامله اي ..؟؟
اخبارك اي ..؟؟
هاتطبخي اي ..؟؟
جوزك عمل معاكي اي ..؟؟
العيال عاملين فيكي اي ..؟؟
المشكله اللي عندك حصل فيها اي ..؟؟🤦♀️🤦♀️
وطبعاا زي ما بسأل بتسئل 😳😳
والحكاوي والشكاوي تفضل رايحه جايه .. لا الحكاوي بتخلص ولا المشاكل بتتحل ..☹☹
اللي بيحصل بس ان كل واحده فينا كانت بتقفل وهي محمله مش بس بوجعها ومشاكلها.. لا
كمان وجع ومشاكل الاهل والاصحاب والقرايب والجران 🤯🤯😩😩😩
طبعاا ماحدش بيكلم حد عشان يحكيله
عن السعاده اللي عايش فيها ..😂😂
ولا علي نعم ربنا عليه اللي لا تعد ولا تحصى ..😃😃
فتكون النتيجه طبعاا .. وجع نفسي رهيب
😔😔
إكتأب شديد وحزن بسبب وبدون سبب .. حيل مهدود
وصحه تعبانه 🥺🥺
وجع نفسي وحمل تقيل يعمي اي عين اصلا عن انها تشوف
نعم ربنا عليها .. او انها تشوف نص الكوبايه المليان🥃
😳😳 هو احنا بنعمل كده لي في نفسنا ..؟؟
انا .. انا
انا بعمل في نفسي كده لي ؟؟
لي بشيل نفسي فوق طاقتي..🤔🤔🤔
لي ماعنديش وقت احل مشاكلي .. ؟؟
هو انا هافضل احكي عنها بس .. وافضل اسمع حلول من ناس بتفتي .. وبس 🤨🤨
ماهو لو كان عندهم حل كانوا نفعوا نفسهم الاول 😂😂😂
هدر وقت واستنزاف لطاقة العقل والجسم
😥😥
لحد ما قررت اشيل شيلتي وبس 🤗🤗
لما ابقي اعرف احل مشاكلي ابقي اشوف مشاكل غيري
لما اعرف انا مخلوقه لي وعشان اي ابقي اقول للباقيين 😊😊😊
وبدأت رحلت البحث
بعد رحله جميله مع نفسي
ومع التأمل في النفس البشريه وأحوالها
احب اقولكم ان الناس في المشاكل والشكوه
تلات انواع 🤔🤔
- نوع بيشتكي عشان فعلااا بيدور علي حل صحيح
ونفسه يرتاح 🧘♀️🧘♀️
فبيدور بجتهاد عن المكان الصح
((وده في الغالب بتوفيق من ربنا عشان يستاهل .. بيوصل))
🥰🥰
- ونوع بيشتكي وعايز الحل بس عايز الحل دليفري
فبيدور مع اي حد وعلي اي حاجه
((وده بيهدر وقت ومجهود ع الفاضي .. وغالباا بيكتفي بالمسكنات))🤒🤒🤕🤕
- ونوع بقي أجاركم الله بيشتكي لطوب الارض .. بيشتكي وبس ..ولا عايز حل ولا عايز مسكنات .. عايز يفضل زي ماهو
عايش دور الضحيه .. عايز يفضل يشتكي ويبتز في مشاعر الناس اللي حوليه وبس 😟😟
ده بقي لو فاكرت تقوله ان في حل .. أو ان الدنيا ممكن تبقي لطيفه وسهله .. تحس انه اتخض 😲😲
ويتعامل معاك كانك مجنون 🤪🤪
او من كوكب تاني 🥶🥶
وللاسف اكتشفت انهم كتير اوي في مجتمعنا .. هو لا عايز حد يساعده ولا حتي عايز يساعد نفسه .. هو عايز يفضل يشتكي وبس 🙄🙄
ونصيحتي الاخيرة بعد كل ده 💝💝
اوعي تضيع وقتك ومجهودك مع النوع ده .. مهما كان صلته بيك ومهما كان قريب منك .. كل ماهاتحاول تطلع بيه لفوق
هو هايشدك لتحت .. لا هاتعرف تغيرة ولا هاتقدر وانت معاه تغير من نفسك .. 😒😒
إختار تكون من النوع الاول 🧘♂️🧘♀️ .. ولو عايز تساعد حد شاورله بس ع الطريق 👈👈
(( وهو حر ))
((كمل انت طريقك 🏃♂️🏃♂️🏃♀️🏃♀️ .. وساعد الناس اللي زيك بتدور ع الطريق))💪💪
#هبةالله_خفاجي
#رحلة_نفس_مطمئنه😇😇
ليست هناك تعليقات:
إرسال تعليق